SMM mütəxəssisi

Smm Mütəxəssisi

Rəmzioğlu Paxlava MMC sosial media hesablarının idarə edilməsi, kreativ kontent hazırlanması və foto-video çəkiliş sahəsində təcrübəsi olan SMM mütəxəssisi axtarır.

İş haqqında məlumat:

• Əməkhaqqı: 600 AZN-dən başlayaraq
• İş qrafiki: Həftədə 6 gün
• İş saatı: 09:00-17:00
• İş yeri: Bakı şəhəri, Əhmədli metrosu, Məhəmməd Hadi küçəsi 55
• AR qanunvericiliyinə əsasən rəsmi əmək müqaviləsi

Namizədə tələblər:

• Ali təhsil;
• 1-3 il iş təcrübəsi;
• İşin xarakteri nəzərə alınaraq 22-35 yaş aralığında xanım namizədlərə üstünlük verilir;
• Kreativ düşüncə və fərqli ideyalar yaratmaq bacarığı;
• Foto və video çəkilişi, Reels və Stories hazırlamaq bacarığı;
• Sosial media trendlərini izləmək və brendə uyğunlaşdırmaq bacarığı;
• Vizual keyfiyyətə, orfoqrafiyaya və məhsulların düzgün təqdimatına yüksək diqqət;
• Məsuliyyətlilik, təşəbbüskarlıq və tapşırıqları vaxtında yerinə yetirmək bacarığı;
• Tapşırıqları düşünərək icra etmək, nəticələri təhlil etmək və inkişaf üçün təkliflər vermək bacarığı;
• Komandada işləmək və yeni ideyaları həyata keçirmək həvəsi.

Vəzifə öhdəlikləri:

• Sosial media hesablarının idarə olunması və kontent planının hazırlanması;
• Paxlava və digər şirniyyatların cəlbedici təqdimatı üçün kreativ ideyaların hazırlanması;
• Foto, video, Reels və Stories formatlarında kontentin çəkilməsi və hazırlanması;
• Məhsulların vizual təqdimatına, mətnlərin düzgünlüyünə və paylaşım keyfiyyətinə nəzarət;
• Trend olan formatların izlənilməsi və brendə uyğun ideyaların tətbiqi;
• Sosial media paylaşımlarının hazırlanması, mətnlərin yazılması və vaxtında paylaşılması;
• İzləyici rəylərinin və mesajlarının izlənilməsi, auditoriya ilə ünsiyyətin təmin edilməsi;
• Paylaşımların nəticələrinin təhlili və kontentin inkişafı üçün yeni təkliflərin verilməsi.

Müraciət qaydası:

Tələblərə uyğun namizədlər CV-lərini “SMM mütəxəssisi” başlığı ilə (055) 208-58-95 WhatsApp nömrəsinə göndərə bilərlər.

Diqqət:

-Yalnız vakansiya tələblərinə uyğun namizədlərlə əlaqə saxlanılacaq.

-Yalnız qeyd olunan WhatsApp nömrəsinə göndərilən CV-lərə baxılacaq.

-Telefon zəngi vasitəsilə müraciətlər qəbul edilmir.

-Vakansiya tələbələr və yarımştat (Part-time) iş axtaranlar üçün uyğun deyil.

Rəmzioğlu Paxlava MMC 2005-ci ildən un məmulatlarının istehsalı sahəsində fəaliyyətə başlayıb. 2013-cü ildən etibarən isə fəaliyyətini paxlava istehsalı və satışı istiqamətində genişləndirərək milli və türk paxlavalarının hazırlanmasına fokuslanıb.

Şirkət paxlava istehsalında qədim hazırlanma ənənələrini qorumaqla yanaşı, müasir yanaşma və texnologiyaları da tətbiq edir. Bu istiqamətdə yerli mütəxəssislərlə yanaşı, Türkiyənin paxlava mərkəzi hesab olunan Gaziantepdən olan peşəkar ustalarla əməkdaşlıq edib.

Ənənəvi türk paxlavasının hazırlanma üsullarını daha dərindən öyrənmək məqsədilə Gaziantepdə əldə olunan təcrübələr şirkətin istehsal prosesinə tətbiq edilib.

Hazırda Rəmzioğlu Paxlava MMC müasir istehsal texnologiyalarını ənənəvi reseptlərlə birləşdirərək milli və türk paxlavalarını özünəməxsus dad və yüksək keyfiyyətlə təqdim edir.