Cihazlar üzrə mühəndis

«PENOPLEX PRİKAVKAZYE» zavoduna təcili olaraq Cihazlar üzrə mühəndis (NÖC və A mühəndisi) tələb olunur.

İş şəraiti:

• İş yeri: Hacıqabul rayonu, Atbulaq kəndi, «PENOPLEX PRİKAVKAZYE» zavodu;
• Əmək haqqı: Namizədin bilik və təcrübəsinə əsasən müsahibə zamanı razılaşdırılır;
• İşə gediş-gəliş: 20 Yanvar metro stansiyasından şirkət tərəfindən transfer təmin olunur;
• Nahar: Şirkət tərəfindən təmin edilir;
• Mobil rabitə: Şirkət tərəfindən təmin edilir.

Vəzifə öhdəlikləri:

• Ekstrüdə penopolistirol istehsalı sexində nəzarət-ölçü cihazlarının (NÖC), texnoloji proseslərin avtomatik idarəetmə sistemlərinin (TPAİS) və qəzadan mühafizə sistemlərinin (QMS) fasiləsiz və düzgün texniki istismarını təmin etmək;
• İstehsalat sahəsinin metroloji təminatı üzrə işlərin təşkilini həyata keçirmək;
• Texniki istismar və xidmət işlərini normativ-texniki sənədlərin tələblərinə uyğun olaraq vaxtında və keyfiyyətlə yerinə yetirmək;
• Nasaz texniki vasitələrin istifadəyə buraxılmasının qarşısını almaq;
• TPAİS sistemlərinin iş prinsiplərini bilmək və daim təkmilləşdirmək;
• Planlı profilaktik və texniki xidmət işlərini təşkil etmək;
• Avadanlıqların montajı, saxlanması və texniki vəziyyətinə nəzarət etmək;
• İnformasiya və idarəetmə komplekslərinin qəbul-təhvil sınaqlarında iştirak etmək;
• Yeni idarəetmə sistemlərinin layihələndirilməsi, alqoritmləşdirilməsi və proqramlaşdırılması üzrə işlərdə iştirak etmək;
• Ehtiyat hissələri, material və avadanlıqlar üzrə sifarişlərin hazırlanmasında iştirak etmək;
• Avadanlıqların texniki vəziyyəti, təmir ehtiyacları və tələb olunan resurslar barədə rəhbərliyə məlumat vermək;
• Əməyin mühafizəsi, yanğın təhlükəsizliyi və daxili əmək intizamı qaydalarına riayət etmək;
• Yeni texniki vasitələri mənimsəmək və peşəkar inkişafını davam etdirmək;
• Müəssisənin büdcə planlaşdırılması və təsdiq olunmuş büdcə çərçivəsində vəsaitlərin istifadəsinə nəzarətdə iştirak etmək;
• Hesabatların, ilkin sənədlərin və texniki məlumatların vaxtında hazırlanmasını təmin etmək.

Namizədə tələblər:

• Təhsil: Ali texniki təhsil;
• İş təcrübəsi: Müvafiq sahə üzrə minimum 5 il iş təcrübəsi;
• Dil bilikləri: Rus dili əla səviyyədə;
• Kompüter bilikləri:
• MS Office proqramları (Excel, Word, Outlook, PowerPoint, Access);
• İnternet və elektron poçtla işləmə bacarığı;
• TiaPortal və 1C proqramları üzrə biliklər;
• Şəxsi avtomobil: Arzuolunandır.

Müraciət qaydası:

Namizədlərdən CV-lərini rus dilində aşağıdakı elektron ünvana göndərmələri xahiş olunur:

📩 r.aliyeva@Penoplex.ru