Beynəxalq HR və peşəkar təcrübə proqramına qəbul

Beynəxalq HR və peşəkar təcrübə proqramına qəbul

Təşkilat: Azərbaycan Diplomatiya Mərkəzi (ADM)

Azərbaycan Diplomatiya Mərkəzi (ADM) Türkiyədə beynəlxalq iş mühitində praktiki təcrübə qazanmaq istəyən şəxslər üçün xüsusi təcrübə proqramına qəbul elan edir.

Proqramın keçirildiyi ölkə: Türkiyə
Proqramın müddəti: 1 və ya 2 ay
İstiqamət: İnsan Resursları (HR) və peşəkar təcrübə

Proqramın təqdim etdiyi imkanlar:

• Real iş təcrübəsi: Türkiyədə fəaliyyət göstərən müəssisələrin İnsan Resursları (HR) departamentlərində və müvafiq struktur bölmələrində praktiki fəaliyyət;
• Yaşayış təminatı: Tərəfdaş müəssisənin imkanlarından asılı olaraq yaşayış yerinin təmin edilməsi;
• Qidalanma: Müəssisənin şərtlərinə əsasən səhər və günorta yeməklərinin qarşılanması;
• Əməkhaqqı: Müəyyən tərəfdaş müəssisələr tərəfindən minimal əməkhaqqı və ya təcrübə ödənişinin təqdim edilməsi;
• Beynəlxalq iş mühiti: Türkiyənin korporativ idarəetmə və HR sistemləri ilə yaxından tanışlıq;
• Peşəkar əlaqələr: Beynəlxalq mütəxəssislərlə əməkdaşlıq və karyera imkanlarının genişləndirilməsi.

Namizədə tələblər:

• Türk, ingilis və ya rus dillərindən ən azı birini peşəkar səviyyədə bilmək;
• Yüksək kommunikasiya və komandada işləmək bacarığı;
• Məsuliyyətli, intizamlı və öyrənməyə həvəsli olmaq;
• Beynəlxalq iş mühitinə uyğunlaşmaq bacarığı.

Kimlər müraciət edə bilər?

• Universitet tələbələri və yeni məzunlar;
• HR sahəsində karyera qurmaq istəyənlər;
• İnsan Resursları üzrə çalışan mütəxəssislər;
• Beynəlxalq peşəkar təcrübə qazanmaq istəyən şəxslər.

Vacib qeyd:Yaşayış, qidalanma və minimal əməkhaqqı təminatı bütün tərəfdaş müəssisələr tərəfindən təqdim edilmir. Bu imkanlar qəbul edən müəssisənin daxili qaydalarına və namizədlə razılaşdırılmış şərtlərə əsasən müəyyən olunur.

Qəbul və qeydiyyat:Namizədlər ilkin seçim və müsahibə mərhələsindən keçirlər.

Təşkilati və sənədləşmə xidmət haqqı: 200 AZN

Xidmət haqqı yalnız proqrama qəbul təsdiqləndikdən və müvafiq şərtlər namizədə təqdim edildikdən sonra ödənilir.

Müraciət qaydası:

Maraqlanan namizədlər CV-lərini  mövzu hissəsində "Türkiyədə Staj Proqramı " qeyd edərək info@adm.edu.az elektron poçt ünvanına göndərə bilərlər.

Azərbaycan Diplomatiya Mərkəzi beynəlxalq əməkdaşlıq, diplomatik əlaqələrin inkişafı, strateji layihələrin idarə olunması və qlobal təşəbbüslərin həyata keçirilməsi istiqamətində fəaliyyət göstərən nüfuzlu platformadır.